2012 жылдың 27 тамызында Астана қаласының Балалардың құқықтарын қорғау департаменті Мемлекеттік тілді дамыту қорының қолдауымен ағымдағы тамыз конференциясының аясында «Үздік «Өзін-өзі тану» пәні мұғалімі-2012» атты сырттай байқауының марапаттау рәсімін өткізді.
Байқаудың мақсаты – адамның рухани дамуы бағдарламасының жүзеге асырылуы жөнінде өзін-өзі танушы педагогтардың жұмысы туралы жұртшылықты хабардар ету, балаға аса қамқорлықпен және түсіністікпен қарайтын шығармашыл өзін-өзі танушы педагогтарды қолдау.
Астана қаласы Балалардың құқығын қорғау департаменті адамның адамгершілік-рухани дамуы бөлімінің бастығы Ә.Б.Смағұлова «Рухани тұрғыдан дамыған Қазақстан азаматын қалыптастырудағы қоғамның рөлі және отбасы, мектеп, қоғамның өзара қарым-қатынасы» туралы баяндамаларын оқып, өз ой пікірлерін ортаға салды.
Байқау жеңімпаздарына Астана қаласы Балалардың құқығын қорғау департаментінің дипломдары мен Қордың арнайы сыйлықтары тарту етілді.
