14 мамыр 2012 ж., Алматы қ. «КаР-Тел» ЖШС-ы (Beeline сауда белгісі) қазақ тілін қолдауға бағытталған «Менің тілім әдемі!» атты әлеуметтік жобаны іске қосты. Жобаны іске қосу үшін tilim-elim.kz сайты жасалды.
Жобаның мәні қазақстандықтарды қазақ тілінде бейнероликтер жазуға жаппай тартуында. tilim-elim.kz сайтында И.Крыловтың бала кезден танымал «Қарға мен түлкі», «Піл мен қанден», «Шегіртке мен құмырсқа» мысалдарының ұлы Абай аударған аудионұсқасы жүктелген. Әрбір ниет білдірген қазақстандық өзіне ұнаған үзіндіні таңдап алып, оны веб-камера немесе ұялы телефонның камерасына түсіріп, сайтқа жүктей алады. Бір ай ішінде үздік деп танылған бейнеүзінділерден үш бейнеролик жасалады. Жоба барысында үздік жыршыны анықтау мақсатында дауыс беру ескерілген. Ең белсенді қатысушыларға сыйлықтар табыс етіледі.
«Абайдың «Қара сөзінде» былай жазылған: «Сен оның тілін білсең, көкірек көзің ашылады. Әрбіреудің тілін, өнерін білген кісі оныменен бірдейлік дағуасына кіреді, аса арсыздана жалынбайды». Егер де сол кезде бұл сөздер орыс тілін білмейтін қазақтарға арнап айтылса, бүгінде өз Отанының мемлекеттік тілін білмейтін барлық қазақстандықтарға да қатысты», — дейді «КаР-Тел» ЖШС-ның Бас директоры Сергей Миронов. – «Қазақ тілінің қажеттілігін арттырып, одан сайын заманауи қылдыру үшін ойланып әрекет ету керек. Уақыт жетіспеушілігі салдарынан біз бүгінгі күні кітапты, оның ішінде классиканы сирек оқитынымызды алға тарта аламыз. «Менің тілім әдемі!» жобасы осындай ойлау, пайымдау нәтижесінде пайда болды. Біз ойластыру барысында жобаға қазақ тілінің білгірлері, еркін сөйлейтін адамдармен қатар осы тілді меңгеруді көздеген адамдарды кеңінен тартуды көздедік».
«Beeline қазақ тілі мен ұлттық құндылықтарды қолдауға бағытталған іс–шарларды тұрақты түрде қолдап қана қоймай, осы маңызды бағытта өзінің дербес жобаларын жүзеге асыруда. «Менің тілім әдемі!» атты бұрын-соңды болмаған жоба әртүрлі жастағы адамдардың қызығушылығын тудыратыны сөзсіз. Біз осы жобаның жүзеге асуына қолдау көрсеттік, сонымен бірге, осы бастамаға барлық қазақстандықтар, әсіресе танымал отандастарымыз қолдау көрсетеді деп үміттенеміз. tilim-elim.kz сайтына кіріп, Қазақстандағы қазақ тіліндегі алғашқы ұжымдық шығармашылық байқауының қатысушысы болыңыз!», — дейді Мемлекетттік тілді дамыту Қорының директоры Азат Шауеев.
