2012 жылдың 17-19 мамыр күндері Қазақстан Республикасы Білім және ғылым министрлігінің «Дарын» республикалық ғылыми-практикалық орталығы Мемлекеттік тілді дамыту қорының қолдауымен 5-10 сынып оқушылар арасында «Тарих ата» республикалық қашықтық олимпиадасының қорытындысын шығарды. Олимпиаданың қорытынды кезеңі Бурабай өлкесінің «Балдәурен» республикалық оқу-сауықтыру орталығында ұйымдастырылды (Ақмола облысы, Щучье қаласы).
Олимпиаданың мақсаты – оқушылардың туған елінің тарихын танып білуге қызығушылықтарын арттыру, өскелең ұрпақты Отан сүйгіштікке тәрбиелеу.
Жарыс төрт деңгей бойынша ұйымдастырылды: 5-6 сынып оқушылары, 7-8 сынып оқушылары, 9 сынып және 10 сынып оқушылары болып бөлінді.
Оқушылардың білімін Л.Гумилев атындағы Еуразиялық ұлттық университеті және Ш.Уәлиханов атындағы Көкшетау мемлекеттік университетінің «Қазақстан тарихы» кафедрасының белгілі ғалымдары бағалады.
«Бірінші тур онлайын режимінде өтіп, оған 12500 оқушы қатысты. Олардың 279 үміткері алға шықты.
Екінші күні жас тарихшылар жиырма бес сұрақтан құралған тест тапсырмаларын орындады. Бұл сында жақсы нәтиже көрсеткен 9 сынып және 10 сынып оқушылары төл тарихымызға қатысты эссе жазуға отырды.
Қорытындысында Алматы қаласындағы М.Ганди атындағы дарынды балаларға арналған мамандандырылған халықаралық № 92 мектеп-лицейінің 6 сынып оқушысы Тұрсын Ернар, Жамбыл облысы Қордай ауданы № 43 орта мектептің 8сынып оқушысы Мелісбек Айбарыс, Ақтөбе қаласының № 21 орта мектептің 9 сынып оқушысы Құламанов Абзал, Екібастұз қаласы № 35 орта білім беру мектебінің 9 сынып оқушысы Шаухатов Ерхат, Астана қаласы № 3 мектеп-гимназиясының 10 сынып оқушысы Амангельдиев Ниазмиддин, Қарағанды қаласы №1 гимназияның 10 сынып оқушысы Пичугина Дарья, ОҚО Бәйдібек ауданы М.Әуезов атындағы орта білім беру мектебінің 10 сынып оқушысы Жаһангер Нұрдәулет, Кентау қаласы «Дарын» дарынды балалар мектебінің 10 сынып оқушысы Әбілда Ғазиза, Кентау қаласы қазақ-түрік лицейінің 10 сынып оқушысы Айтмұхамбет Нұрқадыр үздік нәтижеге қол жеткізіп, бірінші орындарды иемденді. Жеңімпаздарға Қордың арнайы сыйлықтары мен «Дарын» РҒПО грамоталары, дипломдары және барлық қатысушыларға сертификаттар тарту етілді. Сонымен қатар «Балдәурен» республикалық оқу-сауықтыру орталығы Астана қаласы «Балалар үйінің» тәрбиеленушісі Якупов Вадимге өз лагерлеріне тамыз айында он бес күнге демалуға жолдама сыйлады.
Олимпиада бағдарламасы аясында қатысушыларға «Бурабай» шипажай аймағының мәдени және тарихи жерлеріне саяхат ұйымдастырылды.
- Негізгі бет
- Жаңалықтар
- Қазақстан тарихы пәнінен «Тарих ата» Республикалық қашықтық Олимпиадаcының қорытындысы шығарылды
Қазақстан тарихы пәнінен «Тарих ата» Республикалық қашықтық Олимпиадаcының қорытындысы шығарылды
22 Мамыр 2012 | 9:48