Қысыр сөзге жолама.

Қожа Ахмет Йассауи
56e6c5a329d74355f536914ef1275bda

Біліп айтқан сөзге құн жетпейді, тауып айтқан сөзге шын жетпейді.

Төле би
Tole-Bi-252x300

Жасына қарай отырып, жағына қарай сөйлер болар.

Қазыбек би
kazybekbi

Жол анасы - тұяқ, сөз анасы - құлақ, су анасы - бұлақ.

Сырым Датұлы
syrymdatuly

Тіл - қай халықтың болсын басты белгісі.

Шоқан
200px-Chokan_Valikhanov_portrait

Тілде сүйек, ерінде жиек жоқ.

Абай
abaii

Тіл - бұлбұл, сөз бұлақ.

Шәкәрім
shakarimm1

Нағыз түрік затты халық тілі - біздің қазақта.

Әлихан Бөкейханұлы
alikhanb

Бәрін айт па, бірін айт - сөздің тұрар жерін айт.

Ахмет Байтұрсынұлы
ahmetb

Өз тілін өзі білмеген ел - ел болмайды.

Халел Досмұхамедұлы
halel

Тіл - адам жанының тілмашы.

Мағжан
uMK28l63Mn7E0K535NwsVM4s3oOXwT

Кеңсе тілі қазақша болмай, іс оңалмайды.

Сәкен
sakenn

Тіл түйгенді тіс шеше алмайды...

Махмұд Қашқари
quote_avatar

Нұрсұлтан Назарбаев Қоры «Алтын тобылғы» әдеби байқауын қорытындылады

4 Желтоқсан 2020 | 1:13

1

Әсерлі және тартымды оқиғалар, жан тебірентер сезімтал, жалынды өлеңдер —  «Алтын тобылғы» әдеби байқауына қатысқан  жас ақындар мен жазушылардың шығармаларының денін осылай сипаттауға болады.

Байқауды Нұрсұлтан Назарбаев Қоры алтыншы рет ұйымдастырды. Жыл сайын жоба шығармашыл жастардың назарын аударып, қаламдарының ұшталуына шабыт беріп келеді.

Биылғы жылы пандемия өз түзетулерін енгізді, сондықтан байқау жеңімпаздарын жариялау онлайн режимінде өтті.

Нұрсұлтан Назарбаев Қорының атқарушы директоры Қанат Жұмабаев іс-шараның ашылу салтанатында:  «Алтын тобылғы»  — жылдан жылға танымалдылыққа ие болып келе жатқан жобалардың бірі. Егер 2015 жылы байқауға қатысуға 120 шығарма берілсе, биыл авторлардан Қазақстанның барлық өңірлерінен 161 жұмыс келіп түсті. Біз әр қатысушыға байқауға қызығушылық танытқаны үшін, ерекше шығармалары үшін алғысымызды білдіреміз», — деп атап өтті.

Қанат Жұмабаевтың айтуынша, байқауға қатысқан жас қалам шеберлерінің шығармалары өмірден алынған шынайы және ойдан шығарылған қызықты оқиғалар. Олар адамдардың ізгілігіне, адамгершілік қасиеттеріне, еліміздің ұлы тұлғаларына, Қазақстанның дәстүрлері мен жетістіктеріне арналған.

Құрамына журналистика ардагерлері мен мәдениет қайраткерлері енген қазылар алқасының мүшелері жас авторлардың туындылары қоғамда рухани құндылықтарды нығайтуға, елімізде әдеби шығармашылықты дамытуға септігін тигізетінін атап өтті.

Биыл Ұлы Абай Құнанбаевтың 175 жылдығына орай  «Абайдың 175 жылдығына арналған үздік әдеби туынды»  арнайы сыйлығы тағайындалды.

Байқау жеңімпаздары:

  • «Жылдың үздік поэзиясы»  номинациясында – Жәнібек Әлиманов, Қарағанды қаласы («Дала жырлары» шығармасы);
  • «Жылдың үздік прозасы»  — Нұр-Сұлтан қаласынан келген Бақытбек Хадыр («Мәжусилер»);
  • «Жылдың үздік балалар шығармасы» — Есеманов Хамит, Тараз қаласы («Күннен келген Батыр»);
  • «Жылдың үздік драматургиясы» — Алматы облысынан келген Мұрат Қолғанат («Куәгер»).

Жоғарыда аталған жеңімпаздардың әрқайсысы 2 миллион теңгеден алды.

Қазылар алқасының мүшелері «Абайдың 175 жылдығына арналған шығармалар» арнайы сыйлығының жеңімпазын анықтау барысында, сыйлықты екі қатысушыға тағайындауды жөн деп санады.  Олар – Алматы қаласынан Ұмтыл Зақан («Шыңғыстау Мінәжат. Хакім» шығармасы)  және Бағашар Тұрсынбайұлы («Жас Абай»). Олар әрқайсысы 1,5 миллион теңге көлеміндегі сыйақы алды.