Қысыр сөзге жолама.

Қожа Ахмет Йассауи
56e6c5a329d74355f536914ef1275bda

Біліп айтқан сөзге құн жетпейді, тауып айтқан сөзге шын жетпейді.

Төле би
Tole-Bi-252x300

Жасына қарай отырып, жағына қарай сөйлер болар.

Қазыбек би
kazybekbi

Жол анасы - тұяқ, сөз анасы - құлақ, су анасы - бұлақ.

Сырым Датұлы
syrymdatuly

Тіл - қай халықтың болсын басты белгісі.

Шоқан
200px-Chokan_Valikhanov_portrait

Тілде сүйек, ерінде жиек жоқ.

Абай
abaii

Тіл - бұлбұл, сөз бұлақ.

Шәкәрім
shakarimm1

Нағыз түрік затты халық тілі - біздің қазақта.

Әлихан Бөкейханұлы
alikhanb

Бәрін айт па, бірін айт - сөздің тұрар жерін айт.

Ахмет Байтұрсынұлы
ahmetb

Өз тілін өзі білмеген ел - ел болмайды.

Халел Досмұхамедұлы
halel

Тіл - адам жанының тілмашы.

Мағжан
uMK28l63Mn7E0K535NwsVM4s3oOXwT

Кеңсе тілі қазақша болмай, іс оңалмайды.

Сәкен
sakenn

Тіл түйгенді тіс шеше алмайды...

Махмұд Қашқари
quote_avatar

Тіл бірлік бар жерде бүр жарады

17 Мамыр 2017 | 4:32

«Тіл жүректің айтқанына көнсе, жалған шықпайды», деп дана Абай айтпақшы, қазақ тілін терең меңгеруге арналған әдемі шара елордадағы Қазақ гуманитарлық заң университетінде өтті.

1493180638_article_b_1500_Алғашқы күні «Қазақ тілінің креативті оқытудың үздік тәсіл­дері» деген тақырыпта жоға­ры оқу орындарының оқытушылары мен колледж, мектеп мұғалімдері қазақ тілді емес топтарға шағын сабақтар берді. Одан кейін эссе жазды. Осы шараның арасында «Қазақ тілі: бүгіні мен болашағы» деген тақырыпта өткен дөңгелек үстелде «USTAZ» ор­талығының директоры Н.Иманғалиев, Астана «USTUDY» орталығының директоры Ұ.Қармысов, Назарбаев Уни­верситет қауымдастығының про­фессоры С.Оразғалиев Жоғарғы құқық мектебінің директоры С.Пен секілді азаматтар ұлт тілінің көркеюі ұлт санына да, сапасына да қатысты екенін айтып, қазақтың көбею мәселесін қозғады. Жастардың ұлтты бекіту, тілді терең білу жөніндегі пікірлеріне белгілі қаламгерлер Қ.Жиенбай мен Қ.Әбіл үн қосып, ағалық тілек­терімен қанаттандырды.  Дөңгелек үстелден кейін оқу орнының бірінші курс сту­денттері қазақ тарихынан алған білім­дерін бекіту мақсатында ұйым­дастырған «Баталасу» атты сах­налық қойылымды жиылған қауым назарына ұсынды. Онда Ордабасында ел­дікті сақтау мақ­са­тында серт­тескен, баталас­қан қазақ жақсыларының бейнесі көрініс тауыпты. Әсіресе, «Ақта­бан шұбырындыға» түскен қазақ халқының ауыр тағдыры сын сағатта қалғанда Бөгенбай, Қа­бан­бай, Жәнібек, Малайсары, Есет, Нау­рызбай, Баян, Тайлақ ба­тыр­лардың бірігіп білек болып, туған жерді жаудан бо­сатқаны студенттердің сом­дауында ке­лісті шықты. Мем­лекеттік тілді дамыту қоры­ның директоры А.Шәуеев айт­қандай, нағыз отан­шылдық рух осы дегізді. Бір атап өтерлігі, студент­тер­дің мамандықтары бөлек бол­ғанымен, ұлттық рухы мық­ты екен. Батырлардың мәр­тебесін арттыруға талпыныстары алға қойған мақсаттарына жеткізді. Оларға серік болып жүрген ару қыздардың ақылды әрекеті кімді де болса ойландырмай қоймады. Тағы бір айтарымыз, тео­риялық білім мен тәжірибені ұштастыруды университет 2014 жылдан бері жүргізе бастапты. Оның басында оқу орнының басшысы Талғат Нәрікбаевтың тұруы ұлттық сананың жаңғыра бастағанын көрсетсе керек. Сту­денттер жыл бойы тарих пә­нінен алған теориялық білім­дерін ата тарихымыздың бас­тауы болған жерлерде болып, ондағы ескерткіштермен танысуды дәстүрге айналдырған. Кейін, соның негізінде сахналық кө­рі­ністер қою жарасым тапқан. Алдағы екі шарадан кейін сынға түскен оқыту­шы­лар­дың арасынан шыққан үз­діктерді марапаттау рәсімі өтті. «Мұндай шаралар алда­ғы уақытта жал­ғасын таба береді», – дейді білім орда­сын­­­дағы қазақ тілі мен әде­бие­­тін креативті оқыту орта­лы­­ғының директоры Күләш Шай­мерденова.

 

Сүлеймен МӘМЕТ,

«Егемен Қазақстан»

https://egemen.kz/article/til-birlik-bar-zherde-bur-zharady