Мамыр айының басында елімізде Қазақстан халқының бірлігі күні тойланады. Жыл сайын атаулы мерекеде Қазақстан аумағында тұрып жатқан 150-дан астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын атап өтеді. Бұл күн әрбір Қазақстан азаматы үшін Отанға деген сүйіспеншілік сезімнің, азаматтық борыш пен жалпыұлттық келісімнің мерекесі.
Елбасымыз Н.Ә. Назарбаев Қазақстан халқының он жетінші сессиясында сөйлеген сөзінде «Қазақстанды, қазақты достықтың киелі шаңырағына теңесек, түрлі этностар оның алтын арайлы уықтары іспетті» деп көрсетті. Ол өз сөзінде «Тату елге тыныштық орнайды, бейбіт елде ғана береке болады» деп атап өтті.
Осы мереке қарсаңында Мемлекеттік тілді дамыту қоры украин, өзбек, ұйғыр ұлттық-мәдени орталықтарында кездесулер өткізіп, оларға өз тіліндегі балаларға арналған кітаптарды сыйлады.
Мемлекеттік тілді дамыту қоры барша қазақстандықтарды осы көктем мерекесімен құттықтап, Қазақстан халқы өркен жайып, мемлекетіміз – молшылыққа, ал әрбір шаңырақ бақыт пен шаттыққа кенелуіне тілектестігін білдіреді!
- Негізгі бет
- Жаңалықтар
- Қазақстан халқының бірлігі күні
Қазақстан халқының бірлігі күні
3 Мамыр 2016 | 10:48