Мемлекеттік тілді дамыту қоры 26 қараша күні Ақмола облыстық дарынды балаларға арналған №2 мектеп-интернатының тәрбиеленушілерімен кездесу өткізді.
Бұл шараның мақсаты Қазақстанның Тұңғыш Президенті Н.Ә.Назарбаевтың жас мемлекетіміздің қалыптасуындағы рөлі мен қызметі туралы балаларды таныстыру, сондай-ақ өскелең ұрпақтың мемлекеттік тілді үйренуге деген қызығушылығын арттыру, оларды қазақстандық отансүйгіштікке тәрбиелеу, Отанымызға деген мақтанышын арттыру, қазақ әдеби тілін үйренуге баулу және балалардың шығармашылық қабілетін арттыру.
Кездесуде Қор қызметкерлері Мемлекет Басшысының жаңа Жолдауының мақсаты мен бағыттары туралы айтып берді.
Кездесу соңында мектеп-интернаттың тәрбиеленушілеріне қазақша әлемдік және қазақ классиктерінің еңбектері, оқушыларға арналған энциклопедиялар, танымдық балалар әдебиеті cыйға тартылды.
Мемлекеттік тілді дамыту қорының
баспасөз қызметі
