Астанада Мемлекеттік тілді дамыту Қорының қолдауымен «Ұлттық прогресс үшін» жас мамандар кеңесі» Қоғамдық қоры Қазақстан-Ресей университеті базасында мемлекеттік тілді білу деңгейі бойынша өзге ұлт балалары мен жастары арасында «Мемлекеттік тіл – мәртебеміз!» атты республикалық байқау өткізді. Байқауға еліміздің барлық өңірлерінен оқу орындарының оқушылары мен студенттері қатысты.
Байқаудың мақсаты: өзге ұлт балалары мен жастардың мемлекеттік тілді үйренуіне жағдай жасау, шығармашылық қабілеттерін айқындау мен дамыту және мемлекеттік тілді меңгеруге қызығушылықтарын арттыру, мемлекеттік тілді насихаттау болып табылады
Байқаудың негізгі шарттары:
1)Өзін-өзі таныстыру;
2)Мемлекеттік тілді білу деңгейі бойынша сұрақ-жауап сайысы;
3)Көркем сөз оқу сайысы;
4)Дыбыстық өңдеу сайысы;
5)Өнер сайысы.
«Мемлекеттік тіл – мәртебеміз!» республикалық байқауының нәтижесі бойынша 14 жасқа дейнгі қатысушылар арасынан жүлделі орынға ие болғандар:
1 орын — Фролова Валерия – Қызылорда облысы.
2 орын — Дураченко Галина — Шығыс Қазақстан облысы.
3 орын — Котельников Артем Валерьевич – Павлодар облысы.
15-22 жас аралығындағы қатысушылар арасынан жүлделі орынға ие болғандар:
1 орын — Махмудов Леча – Шығыс Қазақстан облысы.
2 орын — Гедзур Екатерина Алексеевна – Солтүстік Қазақстан облысы.
3 орын — Жандина Светлана – Атырау облысы.
Сонымен қатар жақсы өнер көрсетіп, байқауға белсенді қатысқаны үшін барлық қатысушылар алғыс хатпен марапатталып, әр түрлі сыйлықтарға ие болды.