Партияның орталық аппаратында үстіміздегі жылдың шілде айында бес номинация бойынша жарияланған «Тілге құрмет — елге құрмет» байқауының жеңімпаздарын марапаттау іс-шарасы өтті. Қазақстан халқының тілдері күні қарсаңында төрт жыл бойы өткізіліп келе жатқан байқау партияның дәстүрлі іс-шарасына айналды. Қатысушылардың өтініштері республикамыздың барлық өңірлерінен келіп түсті. Байқау комиссиясының қарауына 300-ге жуық материалдар ұсынылды. Осылардың ішінде ең көбі баспа шығарылымдарының басылымдары, сонымен қатар теле және радио бағдарламалары. Келіп түскен өтініштердің саны бойынша екінші орында 50-ге жуық өтініш білдірген «Мемлекеттік тілді дамыту жөніндегі үздік жоба» номинациясы тұр. «Мемлекеттік тілге қолдау көрсетуге және насихаттау ісіне үлес қосқан үздік ұйым» номинациясы бойынша 20-дан астам мемлекеттік және үкіметтік емес ұйымдар өтініш білдірді. «Мемлекеттік тілдегі үздік интернет жоба» номинациясы бойынша ең аз өтініш келіп түсті. Дегенмен, бұл номинация бойынша қатысушылардың саны өткен жылғыға қарағанда көбірек. Бұл дегеніміз қазақ тілі өз шекарасын интернет-кеңістікте де белсенді кеңейіп жатқандығын дәлелдейді. Сыйақылар мен дипломдарды партия хатшысы Ерлан Қарин табыстап, «Нұр Отан» партиясы өзінің бағдарламалық құжаттарында мемлекеттік тілдің орынын ерекше айқындап, елді және халықты біріктіруші басты факторларының бірі ретінде қарастыруда», — деп атап өтті. Байқаудың жеңімпаздары «Жас қазақ үні», Теміртау қалалық «Құрыш қала» газеттерінің, «Қазақстан» телеарнасының Көкшетау, Өскемен қалалық бөлімдерінің, «Астана» радиосының журналистері, сонымен қатар «Адырна», «Қасым.кз» интернет порталдары, «Айгөлек» журналы редакциясы және басқалары атанды.
http://www.ndp-nurotan.kz/site/news/1973