Қазақстан Республикасы Білім және ғылым министрлігінің «Дарын» республикалық ғылыми-практикалық орталығы «Мемлекеттік тілді дамыту» қорының қолдауымен 2012 жылғы 5-7 қаңтар аралығында Астана қаласында қазақ тілінен өзге ұлт оқушылары арасында «Тіл – мемлекет тәуелсіздігінің символы» VI республикалық қашықтық олимпиадасын өткізді (бұдан әрі — Олимпиада).
Олимпиаданы өткізудің басты идеясы — Қазақстан Республикасында тілдерді дамыту мен қолданудың 2011 – 2020 жылдарға арналған Мемлекеттік бағдарламасын іске асыру, мемлекеттік тілді қолданудың басты бағыттарын анықтау, кең көлемде қолдануды жариялау және өзге ұлт оқушыларының арасында оқып-үйрену сапасын арттыру.
Олимпиада екі кезеңде өткізілді: бірінші – қашықтық, екінші – қорытынды. Олимпиаданың I кезеңі on-line түрінде өткізілді. Оған республикадағы жалпы білім беретін мектептерден 5-10 сыныптардың өзге ұлт оқушылары қатысты.
I кезеңде ең жоғары ұпай жинаған оқушылар 2012 жылы 5-7 қаңтар күндері Астана қаласында өтетін Олимпиаданың қорытынды – II кезеңіне қатысуға шақырылды.
Олимпиада шеңберінде оған қатысушылар Қазақстан Республикасы Тұңғыш Президентінің мұражайына, «Бәйтерек» монументіне, «Хан шатыр» кешеніне экскурсия жасады.
Олимпиаданы өткізу Ережесіне сәйкес жеңімпаздар I, II және III дәрежелі дипломдар мен номинациялар бойынша мақтау қағаздарымен марапатталады. Олар:
I орын Абдурахманов Элдуз — 7 сынып (105) Оңтүстік Қазақстан
Станкина Анна — 9 сынып (109) Шығыс Қазақстан
Швейкин Константин — 10 сынып (107) Астана
II орын Маркова Анастасия — 9 сынып (94) Қостанай
Бабажанов Рустам — 7 (сынып) (90) Оңтүстік Қазақстан
III орын Дельмухаметова Земфира 7 сынып (80) Оңтүстік Қазақстан
Лер Евгения — 10 сынып (77) Қостанай
Варавкина Екатерина — 9 сынып (75) Астана
Олимпиаданың жеңімпаздары мен жүлдегерлерін марапаттау салтанаты 7 қантар күні сағат 10.00-де Астана қаласының дарынды балаларға арналған Қазақ-түрік ер балалар лицей-интернатының Конференц-залында өтті.