Халықаралық әйелдер күні мен Алғыс айту мерекесіне орай Мемлекеттік тілді дамыту қоры Астана қаласының «Қасиетті жол» балаларды оңалту орталығында «Аналарға алғыс» акциясын өткізді.
Жылы шырайлы көктемнің алғашқы күндері барша азаматтың көңілін жадырата келетін 8 Наурыз – Халықаралық әйелдер күні аталып өтеді. Бұл күнді тойлауда – отбасы берекесі мен ұйытқысы болып табылатын біздің аналарымыздың орны бөлек. «Күннің шуағы – жылы, Ананың құшағы – жылы», – дегендей, дүниеде ананың балаға және барша азамзатқа деген
мейірімі мен махаббатынан асқан құдірет жоқ. Аналар-өмірдің гүлі, әр отбасының алтын діңгегі, аналарға деген ыстық сезім,алғыс пен құрмет ешқашан сөнбек емес.
Акция барысында бүлдіршіндер, ата-аналар мен орталық қызметкерлері арасындағы мерекелік іс-шара қызықты да, көңілді өтті. Мемлекеттік тілді дамыту қоры әр анаға арнайы сыйлықтар мен әлемдік және қазақ классиктерінің шығармаларын тарту етті.
Іс-шара соңында Қор ұжымы аналарды мерекемен құттықтап, ананың әрбір адамның ерекше орны туралы, түн ұйқысын төрт бөліп оянатын Ананың сенімін ақтаудың қажеттілігін атап өтіп, ол үшін балалардың жақсы оқып, үлгілі тәртібімен, өнердегі жетістіктерімізбен көзге түсуін тіледі.
Іс-шара Мемлекеттік тілді дамыту қорының әлеуметтік серіктесі – «Samruk-Kazyna Trust» қорымен бірге ұйымдастырылғанын атап өтеміз.