Қазақстан халықтарының тілдері күні мерекесіне орай Мемлекеттік тілді дамыту қоры Астана қаласының «Қа сиетті жол» балаларды оңалту орталығында «Мемлекеттік тіл –менің тілім!» акциясын өткізді.
Тіл – халықтың басты қасиетті байлығы болса, байлығымызды келешек ұрпаққа қалдыру, оның қасиетін білу мақсатында Қазақстан Республикасының Президенті 1998 жылғы 22 қыркүйекті «Қазақстан халықтарының тілдері күні» деп жариялаған болатын. Жыл сайын бұл мерекені барша қазақстандықтар тойлап келеді.
Шараның мақсаты балалардың өз ана тіліне деген құрмет сезімін арттыру, тіл мәртебесін көтеру, таза сөйлеуге үйрету, өз ұлтына, еліне деген сүйіспеншілігін ояту. Бүлдіршіндер, ата-аналар мен орталық қызметкерлері арасындағы мерекелік іс-шара қызықты да, көңілді өтті: балалар қазақ тілінде өлеңдер оқып, ата-аналар өзге ұлттардың халық билерін орындап берді.
Іс-шара соңында Мемлекеттік тілді дамыту қоры балаларға қазақ тілінде интерактивті ертегі кітаптарды сыйға тартты