Астана қаласының туған күні қарсаңында Мемлекеттік тілді дамыту қоры № 29 орта мектеп оқушыларын құттықтап, «Тәтті алма» атты 2-томдық балаларға арналған шығармалар жинақтарын тарту етті.
Шараның мақсаты өскелең ұрпақтың мемлекеттік тілді үйренуге, тарих пен мәдениетті білуге деген қызығушылығын арттыру, оларды қазақстандық отансүйгіштікке тәрбиелеу, қазақ әдеби тілін үйренуге баулу және балалардың шығармашылық қабілетін арттыру.
«Тәтті алма» жинағы Қазақстан Республикасының Президенті Н.Ә.Назарбаевтың қолдауымен, Елбасының «Жібек жолы» бейбітшілік сыйлығына алған қаржысына әзірленіп, басым көпшілігі республикадағы балалар кітапханалары мен мектептеріне таратылды.
Сондай-ақ, мектеп оқушылары Қордың қызметі және жобаларымен танысты. Олар: қазақ тілін онлайн режимінде үйрететін Soyle.kz порталы, оның Soyle мобильдік қосымшасы, балаларға арналған Bala.soyle.kz сайты, Abaialemi.kz онлайн-энциклопедиясы, Tattialma.kz атты қазақ тіліндегі балалар әдебиеті сайты, «Менің Қазақстаным» мобильді қосымшасы, қазақ және орыс тілдеріндегі «Кім білгіш?» («Кто умнее?») мобильді ойыны.