Қазақстан халықтарының тілдері күні қарсаңында Мемлекеттік тілді дамыту қоры Астана қаласының № 70 мектеп лицейінде «Мемлекеттік тіл – мәртебеміз!» акциясын өткізді.
Шараның мақсаты өскелең ұрпақтың мемлекеттік тілді үйренуге деген қызығушылығын арттыру, оларды қазақстандық отансүйгіштікке тәрбиелеу, «Тілдер туралы» Заңмен таныстыру, қазақ әдеби тілін үйренуге баулу және балалардың шығармашылық қабілетін арттыру.
Шара соңында Қор бүлдіршіндерге қазақ тіліндегі 120 кітап сыйға тартты. Бұл сөздіктер, мұғалімдерге қазақ тілін оқытуға арналған оқулықтар, әлем классиктерінің шығармалары, Қазақстан халықтарының ертегілері мен мектеп жасындағы балаларға арналған танымдық әдебиет. Және Қор демеушісі — АҚ «Самұрық-Қазына» атынан естелік сыйлықтар тарту етілді.
Мемлекеттік тілді дамыту қорының
баспасөз қызметі