Алматы қаласы «Қазақстан» қонақүйінің мәжіліс залында «Қазконтент» акционерлік қоғамының ұйымдастыруымен «Жаңа медиа: БАҚ баспасының эволюциясы» атты тақырыпта конференция өтті. Конференцияға танымал журналистер, сайт жетекшілері, сарапшылар мен блогерлер қатысты.
Жиынды ашқан «Қазконтент» АҚ Басқармасының төрағасы Айдос Қыдырма бүгінгі таңда дәстүрлі баспасөзбен қатар электронды басылымдардың да дамып келе жатқанын атап өтті. Бұл орайда «Қазконтент» басқармасы еліміздегі қазақ тілді ғаламторды дамытуға айрықша көңіл бөліп отырғанын жеткізді.
«Айқын» газетінің бас редакторы Нұртөре Жүсіп газеттермен бірге олардың сайт нұсқаларын қатар дамыту жөнінде сөз қозғады. «Казахстанская правда» газеті инернет-редакциясының бас редакторы Дана Саудегерова «Қазақстандағы конвергентті журналистика» тақырыбында баяндама жасады. Өңірлік ақпараттық құралдарда мультимедиалы редакция құру мүмкіндіктері жөнінде өз көзқа-растарымен бөліскен медиа-жат¬тықтырушы Асхат Ер¬кім¬бай облыстық, аудандық басылымдарды электронды нұсқада ілгерлету мәселелеріне мән берді. «Ана тілі» газеті тіл мәсе¬лелері бөлімінің редакторы Дәуір¬жан Төлебаев ғаламтордағы мем¬лекеттік тілдің қолданыс аясын кеңейтуге байланысты өзекті мәселелерді ортаға салды.
«Қаламгер-Азамат» жас тілші¬лер қоғамдық қорының төрағасы Айдар Қырықбай жасөспірімдер мен балаларға арналған контент¬тің ғаламтор желісінде дамуы жө¬нінде ой қозғады. Сонымен қатар Сабина Серікова, Бақытжан Бұхар¬баев, Анна Осипова, Жанна Ақтаева және т.б. маман¬дар Қазақстан сайттарының көп¬теген мәселелері жөнінде өз пікірлерімен бөлісті. Әл-Фа¬ра¬би атындағы Қазақ ұлттық уни¬верситеті Журналистика фа¬культетінің Баспа және элек¬трон¬дық БАҚ кафедрасының мең¬ге¬рушісі Гүлмира Сұлтанбаева жаңа медиа нарығына мамандар даярлау мәселесіне назар аударды.
Конференция әрі қарай секциялар бойынша жалғасын тапты. Онда сайт мамандарының, блогерлердің шеберлік сыныптары өткізіліп, интернет басылымдарды заман талабына сай дамыту жөнінде пайдалы кеңестер айтылды.

http://anatili.kz

М.Амантай