1 маусым күні әлемде Халықаралық балаларды қорғау күні аталып өтеді.Мерекені өткізу жөнінде шешім 1949 жылдың қараша айында Париждегі Халықаралық демократиялық әйелдер федерациясы конгресінің шешімімен қабылданды. Дәл осы күні болашақта адамгершілікке, әділдікке, баянды өмірге толы қоғам құру үшін оның негізі — балаларға барлық жағдай жасау керектігі тағы да паш етіледі. Бұл күннің негізгі мақстаты — барлық елдердегі балаларға қамқорлық мәселесіне назар аударту.
Жаздың алғашқы күні Мемлекеттік тілді дамыту қоры «Қасиетті жол» балаларды оңалту орталығында қайырымдылық шарасын өткізді. Іс-шара Мемлекеттік тілді дамыту қорының әлеуметтік серіктесі – «Samruk-Kazyna Trust» қорымен бірге ұйымдастырылды. Әр балаға ұйымдастырушылардың атынан «Тәтті алма» ертегілер жинағы мен басқа да қазақ тіліндегі балаларға арналған көркем әдебиет сыйға тартылды. Ал ата-аналар орталықтың қызметкерлерімен бірлесіп мерекелік концерт ұйымдастырды. Қай халықтың болмасын, елдігін, салт-дәстүрін, ата-мекенін болашаққа апаратын бүгінгі жас ұрпақ. Бүлдіршіндерімізге бақытты балалық шақ, денсаулық әрқашанда сыңғырлаған күлкі тілейміз. Жолдары ашық болып, ойлаған армандарына жете берсін.
Анықтама:
Әлеуметтік серіктес – «Samruk-Kazyna Trust» – Қазақстан Республикасында қайырымдылық, әлеуметтік маңызы бар бағдарламалар мен жобаларды жүзеге асыратын, «Самұрық-Қазына» ұлттық әл-ауқат қоры компаниялар тобы жанындағы әлеуметтік жобаларды дамыту қоры.