14 желтоқсан күні Астанада Қазақстан Республикасы Тәуелсіздігінің 25 жылдығы мерекесі қарсаңында Мемлекеттік тілді дамыту қоры «Samruk-Kazyna Trust» ҚҚ-мен бірлесіп көпбалалы және аз қамтылған отбасылар балаларына қайырымдылық концертін өткізді.
Іс-шараның мақсаты – жас ұрпақтың бойына ел тәуелсіздігін нығайтуға аса қажет адамгершілік, отансүйгіштік, білімге құштарлық, бірлік, бейбітшілік пен келісім сияқты рухани парасаттылық құндылықтарымызды қалыптастыру мен дамыту.
Өзінің алғы сөзінде «Замандас» аула клубының директоры Л.Алшынова: «Еліміз егемендік алғанымызға 25 жыл толады. Бұл жүрегі елім деп соққан әр азамат үшін орны бөлек мереке. Бұл мереке бостандық пен тәуелсіздігіміздің символы болып табылады. Осынау аз уақыт ішінде Қазақстан бірлігі жарасқан тәуелсіз елге айналды» — деп атап өтті.
Салтанатты іс-шара әншілер А.Жайлаубаев, Ж.Сенбиева, ағайынды Жүгінісовтердің орындауымен өткен концерттік бағдарламаға ұласты. Балалардың қуанышына толы болған мерекелік іс-шара өте көңілді өтті.
Акция соңында ұйымдастурушылар балаларға жас жеткіншектердің туған жеріне, еліне деген сүйіспеншілігін арттыру, тәлім-тәрбие беру мазмұнындағы «Тәтті алма» атты шығармалар жинақтары мен әлемдік классиктер әдебиетін сыйлады.
Ұйымдастырушылар концертті өткізуге өз үлесін қосқан әншелірге және барлық қатысушыларға алғысын білдіреді.
Өткізілген уақыты: 2016 ж. 714 желтоқсан, сағат 15.00-да.
Өткізілген орны: Астана қ., Ш.Құдайбердіұлы, 28
Анықтама:
Әлеуметтік серіктес – «Samruk-Kazyna Trust» – Қазақстан Республикасында қайырымдылық, әлеуметтік маңызы бар бағдарламалар мен жобаларды жүзеге асыратын, «Самұрық-Қазына» ұлттық әл-ауқат қоры компаниялар тобы жанындағы әлеуметтік жобаларды дамыту қоры.
