Қысыр сөзге жолама.

Қожа Ахмет Йассауи
56e6c5a329d74355f536914ef1275bda

Біліп айтқан сөзге құн жетпейді, тауып айтқан сөзге шын жетпейді.

Төле би
Tole-Bi-252x300

Жасына қарай отырып, жағына қарай сөйлер болар.

Қазыбек би
kazybekbi

Жол анасы - тұяқ, сөз анасы - құлақ, су анасы - бұлақ.

Сырым Датұлы
syrymdatuly

Тіл - қай халықтың болсын басты белгісі.

Шоқан
200px-Chokan_Valikhanov_portrait

Тілде сүйек, ерінде жиек жоқ.

Абай
abaii

Тіл - бұлбұл, сөз бұлақ.

Шәкәрім
shakarimm1

Нағыз түрік затты халық тілі - біздің қазақта.

Әлихан Бөкейханұлы
alikhanb

Бәрін айт па, бірін айт - сөздің тұрар жерін айт.

Ахмет Байтұрсынұлы
ahmetb

Өз тілін өзі білмеген ел - ел болмайды.

Халел Досмұхамедұлы
halel

Тіл - адам жанының тілмашы.

Мағжан
uMK28l63Mn7E0K535NwsVM4s3oOXwT

Кеңсе тілі қазақша болмай, іс оңалмайды.

Сәкен
sakenn

Тіл түйгенді тіс шеше алмайды...

Махмұд Қашқари
quote_avatar

Орыс мектептерінде қазақ тілін үйретудің сапасы

4 Наурыз 2009 | 6:15

Мемлекеттік тілді дамыту қоры орыс мектептерінде қазақ тілін үйретудің сапасын арттыруға мұрындық болмақ.
Орыс мектептері мен мектепке дейінгі мемлекеттік мекемелерде қазақ тілін оқытудың деңгейін қалай көтереміз? Қоғамның өзекті мәселесіне айналған осы сауал бүгін елордамыздың №56 мектебінде Мемлекеттік тілді дамыт қоры мен қалалық Білім басқармасының ұйымдастыруымен өткен “дөңгелек үстелде” талқыланды.
Орыс мектептері мен мектепке дейінгі мемлекеттік мекемелерде қазақ тілін оқытудың деңгейін қалай көтереміз? Қоғамның өзекті мәселесіне айналған осы сауал бүгін елордамыздың №56 мектебінде Мемлекеттік тілді дамыту қоры мен қалалық Білім басқармасының ұйымдастыруымен өткен “дөңгелек үстелде” талқыланды. Жиынға қатысқан қазақтану ғалымдары, қазақ тілі пәні мұғалімдері және сарапшылар осы мәселеге қатысты тұшымды ойларын ортаға салды.
“Мемлекеттік тілді білмейтін тәуелсіздіктің құрдастары өсіп келеді. Өкініштісі, бұл үрдіс әлі күнге сақталуда. Сондықтан бүгінгі тіл саясатының басты түйткілдерінің бірі – орыс мектептерінде қазақ тілін үйретудің сапасын арттыру”, – дейді қор директоры Берік Әбдіғалиев.
Ал ол үшін ең басты мәселе – мұғалімдердің кәсіби біліктілігіне көңіл бөлу, осы бағытта нақты жұмыс атқару қажет екенін аттап өтті ол. Сондықтан қор директоры аталған мәселелерді ретімен шешу үшін қазақ тілі пәні мұғалімдерінің қауымдастығын құру керектігін алға тартты. Қауымдастық мұғалімдердің деңгейін көтерумен бірге оқушылардың мектеп қабырғасынан отан сүйгіш патриоттық тәрбие алып шығуына атсалысатын болады. Сонымен бірге бұл ұйымның мойнына ата-аналар арқылы да жұмыс істеу міндеті жүктеледі.
“Егер орыс мектептерін бітірген талапкер тым құрыса, қазақ тілін тұрмыстық деңгейде біліп шықса, ол олардың болашағына, қызметтік өсу сатысына өз үлесін қосар еді”, – дейді қор директоры.
Жақын күндері қор мектепке дейінгі мекемелерде қазақ тілін оқытудың озық әдістемесіне байқау өткізуді жоспарлап отыр.