30 қыркүйек күні сағат 11.00-де Астана қаласы әкімдігінің «Қарттар мен мүгедектерге арналған медициналық-әлеуметтік мекемесінде» қарттар күніне орай қайырымдылық шара өтті.

1 қазанда Халықаралық қарттар күні бүкіл әлемде атап өтіліп келеді. Қарттар күнін атап өтудегі басты мақсат — аз қамтылған қарттардың, зейнеткерлердің жағдайына көңіл бөлу, оларға көмек көрсету болып табылады.

Мемлекеттік тілді дамыту қоры қарттарды мерекелерімен құттықтап, оларға Қазақстанның өсіп — өркендеуіне, еліміздің бейбітшілік тыныш өмір кешуіне қосқан үлестері үшін алғысын білдірді.
Қор қызметкерлері қарттарға қазақ тіліндегі сөйлейтін қаламы бар интерактивті кітаптар мен үстел ойындарын сыйлап, іс-шара соңында қарттарға мықты денсаулық, көтеріңкі көңіл күй, ұзақ ғұмыр тіледі.
Іс-шара Мемлекеттік тілді дамыту қорының әлеуметтік серіктесі – «Samruk-Kazyna Trust» қорымен бірге ұйымдастырылғанын атап өтеміз.

Анықтама:
Әлеуметтік серіктес – «Samruk-Kazyna Trust» – Қазақстан Республикасында қайырымдылық, әлеуметтік маңызы бар бағдарламалар мен жобаларды жүзеге асыратын, «Самұрық-Қазына» ұлттық әл-ауқат қоры компаниялар тобы жанындағы әлеуметтік жобаларды дамыту қоры.