15 тамыз күні сағат 12.00 – де Астана қаласының «Қасиетті жол» балаларды оңалту орталығында «Бірінші сынып оқушыларына сыйлық» қайырымдылық шарасы өтті.

1 қыркүйек — мектеп табалдырығын алғаш аттайтын бүлдіршіндер үшін толғанысқа толы ерекше мереке. Мемлекеттік тілді дамыту қоры биыл осы мерекеге ортақтасып, «Қасиетті жол» балаларды оңалту орталығының 25 тәрбиеленушісіне көмек көрсетті.

Болашақ оқушылар ата-аналарымен бірге мерекелік іс шара ұйымадастырды.

Қор директоры А. Шауеев өзінің құттықтау сөзінде оларға өмір жолының жаңа белесінде жаңа жетістіктер, мықты денсаулық, жаңа бастамаларда сәттілік және оқуға деген қызығушылықтарының арта беруін тіледі.

Іс-шарада оқушыларға қажетті кеңсе құралдарымен толық жабдықталған сөмкелер сыйланды. Сонымен қатар қор әр балаға қазақ тіліндегі балаларға арналған әдеби кітаптар мен ертегілер сыйға тартты. Мереке соңында ұйымдастырушылар бүлдіршіндерге ізгі армандары орындалып, өмір жолы ашық, болашағы жарқын болып, егеменді еліміздің білікті Азаматы болып өсе берулеріне тілектестігін білдірді.

Іс-шара Мемлекеттік тілді дамыту қорының  әлеуметтік серіктесі – «Samruk-Kazyna Trust» қорымен бірге ұйымдастырылғанын атап өтеміз.

Өткізілген уақыты: 15 тамыз 2016 ж., сағат 12.00-де.

Өткізілген орны: Астана қ., Қошқарбаев көшесі, 64, «Қасиетті жол» балаларды оңалту орталығы.

Анықтама:

Әлеуметтік серіктес – «Samruk-Kazyna Trust» – Қазақстан Республикасында қайырымдылық, әлеуметтік маңызы бар бағдарламалар мен жобаларды жүзеге асыратын, «Самұрық-Қазына» ұлттық әл-ауқат қоры компаниялар тобы жанындағы әлеуметтік жобаларды дамыту қоры.

Байланыс:

Телефон : 8(7172)74-29-09

www.qazaq-found.kz