Жаздың алғашқы шуақты күні көптеген елдерде Халықаралық балалар күні (International Children’s Day) аталып өтеді. Қазақстандықтарға бұл күн Балаларды қорғау күні деген атпен белгілі.
Бұл балалар үшін ең қуанышты күн болумен қатар, біздер үшін балаларға әрқашан қамқорлық көрсету, қорғау, олар үшін жаупекершілікті болу керектігін еске түсіру күні.
«Клуб добряков Астаны» ерекше балар мен әлеуметтік аз қамтылған отбасылардағы балалар үшін жыл сайынғы қайырымдылық іс-шарасын өткізді. 80 балаға «Астана Нұры» мейрамханасында дастархан жайылып, түрлі қызықты ойындар өткізілді, баларға сыйлықтар берілді.
Мемлекеттік тілді дамыту қоры бұл шараға өз үлесін қосу мақсатымен әр балаға қазақ тіліндегі балаларға арналған әдеби кітаптар мен ертегілер сыйға тартты. Мереке өте көңілді өтті, бұл күн балалардың қуанышына, түрлі қызықты ойындарға, сыйлықтарға толы болды.
Еске салып өтсек, Халықаралық балаларды қорғау күні жыл сайын 1 маусымда аталып өтеді. Мереке 1949 жылғы қарашада Париж қаласында Халықаралық демократиялық әйелдер федерациясының конгресі шешімімен бекітілді. Тұңғыш рет бұл мейрам 66 жыл бұрын аталып өтті.