Қысыр сөзге жолама.

Қожа Ахмет Йассауи
qozhaay

Біліп айтқан сөзге құн жетпейді, тауып айтқан сөзге шын жетпейді.

Төле би
Tole-Bi-252x300

Жасына қарай отырып, жағына қарай сөйлер болар.

Қазыбек би
kazybekbi

Жол анасы - тұяқ, сөз анасы - құлақ, су анасы - бұлақ.

Сырым Датұлы
syrymdatuly

Тіл - қай халықтың болсын басты белгісі.

Шоқан
200px-Chokan_Valikhanov_portrait

Тілде сүйек, ерінде жиек жоқ.

Абай
abaii

Тіл - бұлбұл, сөз бұлақ.

Шәкәрім
shakarimm1

Нағыз түрік затты халық тілі - біздің қазақта.

Әлихан Бөкейханұлы
alikhanb

Бәрін айт па, бірін айт - сөздің тұрар жерін айт.

Ахмет Байтұрсынұлы
ahmetb

Өз тілін өзі білмеген ел - ел болмайды.

Халел Досмұхамедұлы
halel

Тіл - адам жанының тілмашы.

Мағжан
uMK28l63Mn7E0K535NwsVM4s3oOXwT

Кеңсе тілі қазақша болмай, іс оңалмайды.

Сәкен
sakenn

Тіл түйгенді тіс шеше алмайды...

Махмұд Қашқари
quote_avatar

Ұлы Абайдың 170 жылдығына орай Қазақстанда тұңғыш рет «Abaialemi.kz» энциклопедиялық онлайн порталы ашылды.

6 Тамыз 2015 | 6:29

2226 тамыз күні Семейде Абайдың 170 жылдығын мерекелеу аясында ақынның өмірі мен шығармашылығына арналған www.abaialemi.kz энциклопедиялық онлайн порталының тұсаукесер рәсімі өтті.
Мемлекеттік тілді дамыту қоры жасаған портал Қазақстан Республикасының Президенті Н.Ә.Назарбаевтың бастамасымен өзінің «Жібек жолы» бейбітшілік сыйлығына алған қаржысына әзірленді. Елбасы осы аталған сыйлықтың бір бөлігін әлеуметтік жобаларды жүзеге асыру үшін Қорға берген болатын. Сол жобалардың бірі www.abaialemi.kz порталы болып отыр.
Тұсаукесер рәсіміне қоғам қайраткерлері, ақын-жазушылар қауымы, түркітанушылар, тарихшылар, ғалымдар, Абай шығармаларының аудармашылары және алыс-жақын шет елдерден келген қонақтар қатысты.
Осы салтанатты шара барысында ұлы ақынның шығармашылығы мен өміріндегі бұған дейін белгісіз болып келген жайттарға арналып Қордың арнайы тапсырысымен түсірілген «Абайдың ұлы жұмбағы», атты жаңа рухани-ағартушылық деректі фильм көрсетілді.
www.abaialemi.kz онлайн порталында ұлы Абай дәуірі, оның ізбасарлары туралы мәлімет, абайтану еңбектері, замандастарының естеліктері, Абайға арналған шығармалар, т.б. бар. Порталда түрлі ақпарат көздерінен (кітаптар, газет-журналдар, ғылыми басылымдар, деректі фильмдер, фото мұрағаттар, т.б) алынған деректер орналастырылған. Порталдағы қазақ, латын және араб тілдеріндегі ақпарат мынадай бөлімдер бойынша орналасқан: Абайдың өмірбаяны, шығармашылығы, Абай әлем тілдерінде, Абай өлеңдері, Абай туралы естеліктер, абайтану, абайтанушы-ғалымдар, «Абай жолы» эпопеясы, естелік жерлер, Абай мұражайы, фотогалерея.
Іс шара соңында Мемлекеттік тілді дамыту қорының директоры Азат Шауеев аталған порталдың жас жеткіншектер, студенттер, абайтанушы-ғалымдар, Абай шығармаларын өзге тілге аударып жүрген аудармашылар, Абайдың рухани мұрасына қызығушылық білдірген ғаламтор жүйесіндегі барлық пайдаланушылар үшін аса маңызды екенін атап өтті. «Біздің Қор қазіргі заман мүмкіншіліктерін пайдалана отырып, әлемнің қай түкпірінен болмасын қазақтың жазба әдебиетінің негізін қалаған тұлға туралы ақпарат алуға тілек білдірген адамның қажетті мәліметті табуына мүмкіндік беретін осындай тұңғыш интернет-порталды іске қосып отыр» — деді ол.